எங்களைப் பற்றி

ஒரு மனிதர், ஒரு லட்சியம், ஒரு புரட்சி

இன்றைய அவசர கால உலகில் சுயநலம் மிக்க மனிதர்கள் கூட்டம் கருணை என்பதை மறந்து சுயநலம் நோக்கி செயல்பட்டு வருகிறார்கள். பக்கத்து வீட்டுக்காரனுக்கு ஒரு பிரச்சனை என்றாலும் கூட இன்று பலபேர் என்னவென்று எட்டிப் பார்க்கவே மறுக்கிறார்கள்.

இப்படிப்பட்ட சூழ்நிலையில், திருப்பூர் கோட்டைக்காடு பகுதியை சேர்ந்த மாசிலாமணி அவர்கள் ஏழை எளிய மக்களின் வாழ்விற்காக தன்னையே அர்ப்பணித்தவர். கல்வியின் அவசியத்தை அறிந்த பிஏ பட்டதாரியான இவர், கல்லாத பலருக்கு வாழ்க்கை துயரத்திற்கும் துன்பத்திற்கு மாறாது கண்டார்.

ஏழை குழந்தைகள் படிக்க வேண்டும் என்ற எண்ணத்தை தனது லட்சியமாக ஏற்றுக் கொண்டார். அதன் பலனாக இன்று நூற்றுக்கணக்கான குழந்தைகளுக்கு கல்வி கற்க உதவி புரிந்து வருகிறார். கடந்த 17 ஆண்டுகளாக சிறுவர் சிறுமிகளுக்கு இலவச சேவை ஈடுபட்டு, வேலைக்கு செல்லும் குழந்தை தொழிலாளர்களை கண்டறிந்து அவர்களை படிக்க வைக்கும் உன்னதமான சேவையை தொடர்ந்து செய்து வருகிறார்.